叉燒爸爸

復活節2022

15-18/04/2022 星期五-星期一

以往復活節假都有節目, 主要原因係阿仔仲未升小學, 如果讀緊K1-3根本唔返學都冇咩所謂, 

不過而家唔得喇, 除左返小學要追課程, 更加因為肺炎冇得離開香港, 

香港人唯有留返香港過節。

如果係外遊一次, 短短幾日當然唔夠用, 但係屈O向香港, 幾日就太多了, 

DAY 1 我地一家3口去左貓貓CAFE 玩同食, 呢度唔係第一次黎, 

知道大慨流程係點, 食下野玩下貓, 雖然我都認為有好大風險會增加中招機會, 

不過其他人都算自律, 食完野玩貓都會帶返口罩, 個半鐘轉眼就過, 

跟住就同阿仔返TKO, 之後兩公婆就出左去尖沙咀拎介子, 

行返去黃埔再轉車返家, 完成左今日行程。

DAY 2

今日冇野做, 兩公婆在家狂HEA, 訓飽食飽狂煲劇, 完。

DAY 3

今日BOOK 左上船遊船河同食LUNCH。

ME TIME完日半, 兩公婆充好電, 一早返去TKO 接仔, 

搭地鐵先去香港公園行下(原本去動植物公園但唔夠時間)

呢度地方不大不小, 行哂主要睇O既野都係30分鐘多D, 

不過睇下花睇下魚影下相, 當做下運動吸收下新鮮空氣(隔住口罩)都唔錯O既。

今日O既重點行程, 就係上呢架張保仔號觀光船, 399/人, 包左一午餐點心餐, 

一杯飲品同埋環維港遊一圈 (1.5小時), 

雖然都小貴, 不過貪佢人少少同埋幾特別, 唔駛去同人迫, 

開頭大家都幾興奮O既, 到食野果時阿仔好似有DD 暈船咁, 

呆呆滯咁, 風又特別大, 今日氣溫甚至有少少涼, 

所以下半船程就三個人圍爐取暖咁款, 好不容易完成行程, 

搵左架 113過海巴士返家。

DAY4 最後一日假, 冇特別野做, 帶左阿仔去剪髮, 同埋撈幾條金魚, 

幾日O既假期 FLEA 一聲就過左, 雖然節目唔太特別, 

但避開人潮之下都算幾豐富了。