叉燒爸爸

猶記得2019年尾, 正預備返三鄉過年事宜, 突然比武肺殺個措手不及。

今日已經係2022年4月, 頭尾2年有多了 ,但係仲未見到有完結O既一天。

旅行冇得去, 連過關返深圳都冇可能, 

大人都算了, 小朋友先慘, 冇得出街, 學又冇得返, 

日日ZOOM, 真係"童年就如此經過"

新年冇去任何地方 (好彩冇返老家拜年, 因為大廈有人確診要強檢), 

留在家睇下電視, 吃吃盆菜, 

辛好早前疫情冇咁嚴重時 (12月1月份仲係單位數確診, 一去到2 月就幾百幾千, 去到3月頭已經過萬

高峄係7萬幾一日, 而家執筆時每日都有一萬單)

去左玩, BBQ 下, 聽下音樂會.....

又應驗左古老智慧, 及時行樂, 活在當下。

03 MAR 2023 更新

踏入第三年, 疫情終於走向尾聲, 

世界大部份已經生活正常, 唔駛帶口罩 (O向 01.03.2023 香港都解除口罩令, 

除左入某D 場所例如醫院地方, 所有地方都唔需要再強制帶口罩)

自一月起香港人已經開始返四處去旅行, 而我地一家3口都PLAN 左4月去日本玩, 

不過有D 疫情後遺症都未解決, 例如好多行業未復甦, 小學LUNCH 供應商唔夠人手整飯盒, 

旅行社未等到復甦已經執哂笠等等, 

不過都有正面O既影響, 例如D 人HYGIENE 意識高左, 

就算冇口罩令, 都自動自覺適時帶口罩保護自己, 

仲有家中大量口罩仲未用哂, 變左蟹貨。

百年難得一見O既瘟疫, 終於完結。