叉燒爸爸

10.06.2021

由幾年前已經開始PLAN 會裝修屋企, 原因係想整多個閣樓比仔訓覺, 

事關阿仔已經升上小學, 身高已經去到120CM, 同埋擁有O既雜物亦都好多, 

香港地貴, 換一換樓律師厘印地產佣金已經冇左幾十萬, 

倒不如向高空發展, 屋企空間感覺會細左好多, 但係呢個係無方法當中O既方法。

早兩個月已經搵定裝修公司, 鎖定左幾間, 有兩間設計都好鐘意, 不過就超OUT BUGET 啦, 

報價都成40萬外, 咁完成都要50萬先得, 最後搵左一間實在為主又有少少設計O既公司(閣樓專家), 

報價全部實實在在40萬, 起貨期又短D (兩個月, 之前果兩間都係要3個月), 

其實屋企籠就係得咁大, 想大變都難, 見呢間公司設計用料都符合我地要求, 就落實呢間。

定好日子就要搵埋迷你倉, 同埋要BOOK 酒店住兩個半月, 

雖然前前後後睇左幾轉酒店迷你倉, 有D辛苦大熱天時走黎走去, 

又出奇地好順利搞店呢兩樣重要O既任務。

搵左間位於土瓜灣O既迷你倉叫CUBE, 月租大約2000租3個月, 

搵左土瓜灣O既8度海逸酒店, 月租22000送1000蚊餐飲同4次FREE 洗衫(8磅內), 

咁就萬事俱備, 等日子到就可以搬屋。

搬屋最痛苦O既唔係搬大件野, 因為果D比錢搬運公司會搞店, 

最痛苦莫過於係掉垃圾, 掉垃圾都唔準確, 事關而家要掉果D係冇咩點用但又唔係太捨得掉, 

例如D幾年唔聽一次O既CD, 幾年唔玩一次O既遊戲機例如PS2, 

公仔, 舊漫畫...........斷捨離係最辛苦。

有空就執下, 晚上又執下, 差不多掉左原來屋企 3份1 O既野, 

PACK 下箱咁又一晚, 去到臨大搬時果晚PACK 到凌晨4-5點, 

老人家真係有D 頂唔住 (即係我~!)

搵搬運好快就運走哂D野入倉(事前已經自己搬左幾箱入倉, 辛苦到呢, 呢D錢都係要比人賺)

其時仲有好多細微野未執, 又自己運送幾轉物資入住酒店(又辛苦到呢, 呢D錢都應該比人賺)

終於搞左成個星期, 先叫安頓好生活要用O既野, 呢兩個月希望住得過得去就滿足了。