叉燒爸爸

19.05.2021

山頂半天遊

而家阿仔識得睇月曆, 

知道紅日為父為娘就唔駛返工, 

可以陪太子玩耍, 今個佛誕就有兩個選擇比佢, 

一個係去行城門水塘(幸好冇去), 二係去山頂搭纜車。

早一日O向KLOOK 買左優惠飛, 可以參觀埋個山頂480觀景台, 

因為預計今日會好多人去呢度, 我地又一早出左門希望避避人潮(早極都1030AM 先出門)

丫點知去到又唔係太多人, 直頭係冇人搭纜車, 我地直行直入, 好不輕鬆咁上左山頂。

山頂地方都係咁, 基本上幾十年都冇變過, 我地先食LUNCH, 

又估唔到"香港地"E間貌似茶餐廳又幾好食, 

肉絲炒麵少有的脆, 乾少牛河就有鑊氣。

之後就去行盧吉道, 天氣唔太熱又有D陰陰天, 

十分適合行山, 好彩去左呢度行而唔係去城門水塘, 

事關未行到一半, 阿仔已經嗌悶, 45分鐘路程問左幾十次到未, 

不敢想像要行成3個鐘O既城門水塘會係點...........

行左盧吉道一圈, 其實終點應該係再行上山先完成, 不過阿仔唔想行, 就算啦, 

去左香港唯一一間奈雪之茶食TEA, 跟住行下另一邊山頂廣場, 

估唔到都買到兩件(阿仔同我各一件)山頂限定O既大富翁衫, 

就完成左今日行程。

落返去金鐘, 阿仔興起想試搭下電車, 

反正都出開黎, 就一次過滿足阿仔願望, 

由金鐘搭叮叮去到西營盤落車。

後話: 原來呢代纜車快將退役, 幸好有今次半天遊, 可以搭埋呢一代纜車。