叉燒爸爸

呢兩天係重陽節假期, 為娘問過會唔會去挪亞方舟OR 昂平纜車, 

我就問下阿仔啦, 結果纜車跑出。

半即興情況下, 一早出門去搭纜車。

去到以為人不多, 人多的係去行山同去大澳, 但係原來我錯......

去到入口要拎籌, 其時12點鐘但係要13點先返黎排隊, 

去左東涌商場是但食左個米線陣, 13點返去再排過, 

咁安排都叫好, 起碼唔駛排隊乾等。

但見人唔多, 以為最多30分鐘排完, 

點知我又錯了 (人生何處不犯錯......................)

人龍根本唔識行, 等5分鐘可能先會向前行一小步, 

排左成75分鐘先上到車, 咁我就觀察下點解要排咁耐啦, 

可能係佢有FAST PASS比人插隊, 又每架車廂都會清潔消毒一下, 

又每架車都會有專業攝影師同每個PARTY 影相, 

買飛時又要左問右問買咩PACKAGE等等, 就搞左咁耐。

上到車車程就好快喇,20鐘唔駛就去到昂平市集, 

原本諗住行個圈就走人, 但係排左咁耐又唔甘心咁就走, 

結果又去影下免費相, 食下豆腐花芝麻糊, 

同下D牛影相, 同阿仔行上行落大佛300級樓梯, 

玩下行下就個多小時, 跟住又排隊搭回程車, 完成今日行程。

搭車費用有折反而唔太貴, 最貴係果度D專業攝影師影D相, 買左3-4張多謝差不多600元, 

專業有價啊~~